الأخ العزيز جار القمر

أؤكد لك يا عزيزى ان القبطى المسيحى الاصيل لا يمكن ان يشعر بكراهيه حتى تجاه اعداؤه، فما بالك بإنسان معتدل مثلك؟

يا أخى العزيز لا يوجد عذر لاى نوع من انواع العنف سواء كان أذية الآخر بالفعل او بالكلمه. لكن قليل من التفهم مطلوب فى هذا الموقف. مهما حصل لنا عمرنا ما إشتعلنا بالطريقه دى. كانت الكنيسه دايما مأوى و ملجأ لنا. لكن تصور عمق الجرح لمّا مكان عبادتنا يقتحم و يبقى حتى الصلاه اللى بنرفعها للرب من أجل كل مخلوق مهما كانت ديانته...حتى دى بقت مهدده من اى واحد متعصب جاهل.

و اللى يزيد الطين بلّه ان الحكومه فجأه تصرح انه مختل. 

مع تقديرى لصعوبة موقفك و صدقنى انا بكيت علشانك و انا اقرأ كلامك...بكيت لانى ادرك تماما شعورك بالوحده و الخوف...الا انى اقول لك يا جار القمر العزيز ربما كان الموقف الصعب ده خير لانك دلوقت عرفت ازاى الانسان ممكن يشعر و هو فوسط اكثريه غاضبه قد تحاول ايذاءه ظلما.

لا تيأس يا عزيزى...وكن داءما أخ اول مش تالت لينا. الرب يباركك يا أخى و يعطيك حكمه و شجاعه اكثر و اكثر.

سلام و نعمه

اختك فى الوطن