جار القمر

يا ناس كفاية

الواد محبوس

و بعدين كام مرة الناس تقول المسألة مش مسألة موافقة او رفض لكلامه . ممكن نبقى شايفين كلامه عايز الحرق, بس مش معنى كدة انه يتحبس

انتوا متخيلين يعنى ان كل وكلاء النيابة اعتقاداتهم الدينية متوافقة معاكوا تماما فلو اتعرضتوا عليهم تبقوا فى امان؟؟؟ لا طبعا

الفكرة ان لو بقى من حقهم يحاكمونا على الاراء اللى بنكتبها على مدوناتنا يبقى عليه العوض

يبقى كل واحد فينا ممكن يتقبض عليه

يبقى كل واحد فينا بقى و حظه لو اتعرض على النيابة

و بعدين على رأى واحدة قريبتى, الاسلاميين عايزين يكفروهم, و اللى مش مؤمنين, عايزين يخلوهم متدينين

يا ناس ياهووو الدين دة اقتناع, مش جبر من السلطات على حسب حالتهم اليوم ده ايه

و بعدين اللى متضايق اوى كدة من عبد الكريم, يبقى يديله ضهره فى الشارع و لا يتئمص منه

و كل اللى بيقولوا انه متدلع فى الحبس, طيب ما نروح كلنا بقى هناك بدال اما الحبس دلع كدة...ماحنا مش طايلينه هنا

ممكن يكون مش متبهدل زى ناس تانين, بس وجوده فى الحبس بهدلة فى حد ذاته