جار القمر

بقالي كام يوم نفسي أكتب عن احساس المهانة الشديد بسبب الرقابة الذاتية اللي أنا فراضها على نفسي في موضوع القاضي عبد لفتاح مراد .

بس مش عارف أقول ايه و بعدين قلت يمكن لما أكتب تعليق هنا الكلام ينفتح، بس طول ما أنا مانع نفسي أشتم عبد الفتاح مراد مفيش حاجة مفيد تتقال في الموضوع.

لأن رأيي فيه مهواش أن "قام المواطن ع م بتوجيه اتهامات لشخصي و الاتهامات لا جانب لها من الصحة مما يشكل ظلما معرفش ايه" أحه رأيي فيه مينفعش يكون أي حاجة أقل من شتيمة وسخة و حاجة وسخة بصراحة الحوسة دي

كس أم حسني مبارك

مش لأي سبب غير لأني مطمئن أكثر و أنا بشتم ام حسني مبارك عن و أنا بشتم المواطن سالف ذكره

ممكن أبرر و أقول الواحد ينقي يتحبس في ايه و يشوفله قضية تستاهل. لكن النتيجة واحدة قاعد مذعور و مانع نفسي أتكلم و أكتب

شوية تفاصيل،

واقعة الشتيمة حصلت فعلا لكن مش أنا مكنتش طرف فيها و منال مكانتش موجودة أصلا

. ده جزء من اللي مخلي الموضوع مزعج أكثر، في قضية عبد الفتاح مراد أي فعل بيقوم بيه أي حد فينا ممكن أي حد ثاني هو اللي يتحاسب عليه، النتيجة الطبيعية لده هو أننا مش بس عامل على نفسي رقابة ذاتية لأ دأنا عاوز كل حد يعمل على نفسه رقابة ذاتية لأنك لو قررت ترحرح في الكلام ممكن أنا اللي أروح في الرجلين (و العكس صحيح طبعا)

فيما يخص عبد المنعم كالعادة الدولة صندوق أسود مفيش قاعدة واضحة لأسمعنى فلان و مش علان، لكن تخمين أن عبد المنعم معتقل بسبب دوره الاعلامي مهواش نزعة رومانسية ولا محاولة لركوب هوجة التدوين لكسب استعطاف.

دوره الاعلامي علني و اللي قام بشغل مشابه يقدر يقولك أنه احتمال أن يكون فاضله وقت لعمل سري بعد ده كله ضئيل للغاية.

اللي بنقوله أن التفسير الأرجح هو محاولة لاسكات الحملة اللي ضد المحاكمات العسكرية، عموما الأخوان مبيقوموش بحملات ولا بياخدوا ردود أفعال قوية لما بيعتقلوا و يتحولوا قضايا . المرة دي كانت مختلفة تماما و معروف لناس كثير أن لعبد المنعم الفضل الأساسي في ده، هو تقريبا مدير الحملة اللي المدونات بتلعب فيها دور مركزي جدا.

رد فعل الأخوان في موضوع طلبة الأزهر و حملة التضامن معهم كان كله تخبط و الحملة كانت فاشلة تدخل عبد المنعم هو اللي أنقذ الحملة و نقلها لحملة ناجحة.

لاحظ أن موضوع الأزهر من نجاحات الحكومة القليلة في أنها تخسر الأخوان اعلامية و شعبيا، لاحظ كمان أن محاولة التخلص من الحملة اللي محققة (أو ممكن تحقق) تعاطف و اهتمام جماهيري عن طريق الاعتقال كان التفسير الأرجح لاعتقالات المتضامنين مع القضاة.

لكن في النهاية كل اللي نقدر نعمله هو التخمين و التعامل مع ما ورد في تحقيقات النيابة على أنه موقف الحكومة العلني.

في مسألة أين يقع اللوم دي مش مفهومة، لو قلنا بلاش المعارضة تاخدها منبر طيب ما ده يبقى رقابة ذاتية برضه، تفرق ايه بقى؟

أنا عموما غير مقتنع بالمرة بموضوع أن للدولة يد في قضية عبد الكريم و قضية عبد الفتاح مراد، القضيتين ليهم سوابق عديدة مشابهة. و طول عمر اللي بيخبط في الدين في خطر و طول عمر اللي بيخبط في حد واصل في خطر و طول عمر اللي بينشط سياسيا في خطر. و قضايا ازدراء الأديان و السب و القذف و تكدير السلم العام زي الهم على القلب و ظهور الانترنت كعامل فيها شغال بقاله ما لا يقل عن خمس سنين، المدونين بس اللي جداد على الموضوع.

و لازلت شايف أن الخطورة مش كبيرة و أن احتمال أنك تتلم تحري و تلبس قضية عشوائية أعلى من احتمال أن يتم حبسك بسبب التدوين

علاء : شكرا على تعليقك الهام .. سابدأ بالتعقيب على اخر ماكتبت فيه

..

كما ذكرت في التدوينه , لا اعتقد ان للدوله خطه منهجيه للايقاع بكريم او تلفيق تهمه باستخدام القاضي مراد او غيره .. اؤمن ان النظام اكثر تفككا و بدائيا من التخطيط و لا يتعدى دوره باي حال رد فعل واضح و غير ذي رؤيه .. الخطوره كما قلت ايضا هو ان تتحول تلك الى سوابق يمكن الاقتداء بها فيما بعد .. شخصيا اظن ان شبح قضية كريم ظهر في عريضة دعوى عبد الفتاح مراد لحجب المواقع .. و اعتقد ان طرق التعامل مع كتاب و نشطاء انترنت يتم الان اكتشافها و تطويرها وهو مايشكل خطرا .. اوافقك تماما على ان خطر السير في الشارع بدون تحقيق شخصيه اكبر بكثير من الكتابه على انترنت .. لكن مجرد وصول انترنت للخضوع تحت القوانين التي تحكم الشارع اوحتى اقل منها هي مأساة كبيرة .. ما اتصوره هو ان الانترنت فضاء مفتوح لا يجب ان تحده قوانين او قواعد .. مجرد اخضاع الفضاء لقوانين و سوابق اتهام بل ومجرد مراقبته و استخدام مافيه لتوريط اشخاص و هيئات في قضايا قانونيه على الارض هي هزيمه ماحقه لحلم جميل عن الفضاء السيبري اللامحدود و الحريه الغير مسبوقه

..

لم اعن باللوم تجريم ماتم او ادانته .. بالعكس , فقط احاول فهم ما الذي دفع التعبير على الانترنت في طريق ينتهي بان يصبح كالكتابه في جريده ؟؟ لاحظ انني اتكلم عن التدوين و الكتابه على انترنت ككل .. كان هناك دوما احتمالية ان يعاقب اشخاص بعينهم على مهاجمة رئيس او مسئول او نقد نظام .. لكن الان انت تعرف جيدا ان التدوين يعني معارضه .. و ان الكتابه على انترنت تعني في نظر رجل السلطه الذي يقلقه مايحدث ( وجع دماغ من كفايه و الاخوان ) .. هذه نتيجه لم اكن احب ان نصل اليها .. و ان لم نكن قد وصلنا اليها فاننا في الطريق .. لا يعني هذا طبعا فرض رقابه ذاتيه او غير ذاتيه .. ممارسات كالتحدث باسم المدونين .. و كتاب الانترنت و محاولة تكتيلهم .. و توحيد اجندتهم السياسيه .. و رفع شعارات تندد باسمهم , كلها كانت -ومازالت - يمكن تقنينها و تعديلها لتلائم الظرف العام .. لا اقصد منع اي شخص من الكتابه .. بالعكس اكتب ونظم و تظاهر .. لكن لاتتحزب و تكون جبهتين ( اللي معانا و اللي مش معانا ) .. لدي اعتراف مثلا بالنسبه لموضوع كريم : اعتقد الان و بعد انتهاء القضيه ان الحمله الكبيره و ( التسييح ) الغير محسوب قد اضرا القضيه اكثر مما افاداها .. استعدوا الراي العام و اوقعا القاضي و غيره تحت الضغط او حتى تحت نداء الواجب بمنع انتشار الفتنقه بمعاقبة صاحبها .. بالنسبه لمنعم : لا اعني ان تفسير كونه مدونا او كاتب انترنت غير وارد .. لكنه جزء من عوامل اخرى مهمه .. الاخوان على انترنت اقوياء و تعرضوا للحجب مرات عده .. صوتهم نفسه كان مؤثرا للغايه في لحظات اكثر حساسيه في الواقع السياسي ( الانتخابات البرلمانيه كمثال ) .. لا اقتنع بنشاطه الاعلامي و التدويني فحسب كسبب للقبض عليه .. مع احترامي لم يبلغ منعم من الصيت و التاثير ليقض مضاجع دوله تتعامل مع حملات اقوى و اهم و منظمات و هيئات تسبب لها صداعا مستمرا .. طبعا احتمال القبض عليه كفرد عادي من الجماعه وارد جدا .. لكن من السذاجه ان نعتقد ان حمله على انترنت تنادي بالافراج عن طلبه يعرضون على محاكم عسكريه هي سبب في اسكات صوتها !! بالظبط كما كان من السذاجه اعتبار القبض عليك و مالك و باقي معتصمي ازمة القضاه بسبب التددوين و المعارضه على انترنت فقط !! او اعتبار ان عبد الكريم حبس لانه كتب ضد الحكومه او الدين دون عامل فردي خارجي .. تصوري ان قضية عبد المنعم اوسع . و سبب القبض عليه لانشطه مجهوله تدخل في صلب الجماعه و سياستها و ممارستها .. قد لا نعرفها لكن لا اطمئن ابدا - و لا اريد اصلا - تصديق ان دوره الاعلامي سبب القبض عليه .. كان من المنطقي اذا ان يسبقه الى المعتقل المئات ممن هم اخطر .. لا يجب ان نبالغ في اهمية مايحدث هنا  على انترنت

!!

اعرف ان الحادثه حصلت لكن الاتهام وجه للاشخاص الخطأ .. ماعنيته هو ان اقحامكم كان بهدف الضغط عليكم بغض النظر عن المرتكب الحقيقي للواقعه .. اضف الى ذلك شهادة اثنين من المحامين المتدينين بانهم -زورا -شهدوا الواقعه طمعا في علاقه طيبه مع رئيس محكمه و ربما ثقة في ان ما ادعى به هو الصواب و انكم طبيعيا - في نظره - كاذبون و اقل اخلاقيا .. هذا ماعنيته باللعب القذر و الضرب تحت الحزام للضغط

س. الخوف الحقيقي مهواش على فضاء النت كفضاء مستقل، الخوف هو على تجربة فضاء النت كفضاء مرتبط ارتباط عضوي بفضاء اللي مش نت، أسهل شيئ دلوقتي هو أننا ننسحب للنت و نسيب الشارع و ده اللي ممكن يحصل .

..

و ده حايؤدي بالضروره تدريجيا الى تقليل مساحة الحريه (ذاتيا او قسريا ) على انترنت و جعله اقل حريه و تلقائيه .. صحيح ان ده مش باين دلوقت لكن الخوف هو من حدوثه على المدى الطويل .. عموما حاسس اننا بنتكلم في قضيية البيضه و الفرخه

..

بالنسبه لمنعم فالحقيقه مش عارف .. اكيد دوره الاعلامي عامل مهم .. لكن برضه لا اعتقد انه كل شيء .. عامة حانشوف و ننتظر وممكن نعرف و ممكن لأ

جار القمر، بتعمل تربيطات كويسة بين ظواهر متفرقة و دي حاجة ناس كثير بيفشلوا فيها، أو بيبالغوا إلى درجة هوس المؤامرة.

لكن أحيانا باتوه منك: زي أن حملة عبدالكريم أثرت بالسلب. تفتكر لو كان الموضوع مشي كتيمي كانت المحكمة هتبرؤه؟ و لو كان كدا كدا هيتكم عليه، مش العلنية ممكن تؤدي إلى تخفيف الحكم شوية صغيرين،أو لو هو ضايع ضايع فهي فرصة كوسية نستغلها في للتوضيح للناس ال ما بتعرفش تعمل التربيطة ال أنت أشرت لها في البداية مدى عبثية القضية و احتمال تكرارها مع آخري مثاليين في نظر الأغلبية؟

حاجة ما لهاش علاقة مباشرة: عبدالمنعم تضامن مع عبدالكريم و وقع عريضة التضامن و دا أثار حفيظة قراءه.

الموضوع دالوقت هو يا إما فيه إنترنت يا إما الحكومة تشد الكبس و تقفلها. ما تخافش على إنترنت؛ إنترنت هتفضل حرة بنا أو من غيرنا ;)

من ناحية الحكومة فهي غالبا لن تستهدف المحتوى بالحجب، لأن الحجب غير مجدي، الحكومة ستستهدف الناشطين شخصيا و ماديا لأن هذا في بلدنا أكثر جدوى و أسهل.

من ناحية الناشطين هم أساسا يهدفون إلى العلنية و الانتشار في ما ينشرون و عندما تهدف إلى العلنية فإن عدوك سيسمعك كما سيسمعك المتضامن/المتعاطف معك.

شرطة إنترنت دورها في الوضع دا هو دور المخبر أبو جرنال، يشمشم لغاية ما يوصل ضابط أمن الدولة. لكن مش أنها تعمل قضية و تحاول تثبت الاتهام بالبراهين الفنية، لسببين: أولا لأن ما فيش اتهام (دي سياسة مش جناية سرقة أو ابتزاز بالكمبيوتر)، ثانيا لأن الأدلة كدا كدا بتتنهب و تتدمر في الصيرورة بسبب الفساد و عدم كفاءة الشرطة في النواحي الإجرائية و الشكلية لأنها بسبب استنادها إلى البطش و اعتمادها على الدعم السياسي و احتمالات التواطؤ في القضاء فقدت مهارة تقفيل قضية محكمة فنيا، و لما بيحصل بيكون نصر عظيم بيزيطوا عليه كثير.

عبدالفتاح مراد نشر في مجلده "الأصول العلمية القانونية للمدونات على شبكة الإنترنت" نموذجا استرشاديا عنوانه "صيغة صحيفة جنحة مباشرة عن واقعة سب و قذف بطريق النشر بشبكة الإنترنت على مدونة إلكترونية" في الفصل الأول, من الباب الثاني: (صيغ الدعاوى المتعلقة بالمدونات)، من الكتاب الرابع (الصيغ القانونية المتعلقة بالمدونات أو المعلقات) - صفحة 607

لذا وجب التنويه في المنقَل الخامس من المطبَع الثالث من المنسَخ السابع من تعليقي هذا

نسيت أضع الرابط http://news.bbc.co.uk/hi/arabic/sci_tech/newsid_6557000/6557175.stm ال كنت باقول فيه إنترنت هتفضل غالية علي حرة